Tubiret terra tajmilt i Salah Sadaoui ; anaẓur, amneɣ

Ilmend n wass n tinigt i d-yettilin azemz n 17 tuber, axxam n yidles Ali Zamoum n Tubiret ihegga-d yiwen n wahil d abaɣur. Aya ad d-yili iwakken ad d-yesmekti ass i deg d-kkren yimigen di fransa di 1961 ad sutren azref-nsen n tudert deg yiseɣ akked uzarug i tmurt n lezzayer. Imiren, yeɣli-d fell-asen lbaṭal d aberkan.
Di tazwara n tenzzayt, yella-d usarag ɣef temsbaniyin n 17 tuber 1961 di Paris. Dahmani Khalef, d adocteur deg umezruy, imesla-d ɣef wid yeɣlin deg useggas-nni « azal n 400 yemdanen i yemmuten ass n 17 tuber 1961 di Fransa » i d-yenna.
Tella-d daɣin temzikent deg uxxam n tidles ɣef tudert n Sadaoui Salah akked d ass n 17 tuber. Ad tili daɣin temsizelt n unuɣen ddaw usentel « m’ara yeddukel ccna d tẓuri. »
Deg tmeddit-a, tagnit ad tettwimudd i icennayen n tubiret i wakken ad ccnun tizlatin n Sadaoui Salah akked yimedyazen d yimdukkal n unaẓur amneɣ ad fken fell-as tinigit. Ayaki ad-yili s twacult-is.
Ad d-nesmekti belli Sadaoui Salah yennuɣ ɣef tmurt-is lezzayer ass mi yella di fransa. Akken ittekka deg « ugraw imaziɣen » d-yettwisbedden di Paris deg useggas 1967.

Slimane Chabane

vous pourriez aussi aimer Plus d'articles de l'auteur

%d blogueurs aiment cette page :