Asfugel n Yennayer di Tubiret

Asfugel n Yennayer 2969 di tubiret Yella-d di yal tama n twilayt, ama s wudem unṣib sɣur ddula, ama sɣur tidukliwin tidelsanin n tmaziɣt.

Aṭas n temziknin, timsizlin, ccna, taẓuri d yisaragen i d yettwiheggan deg imalas yellan ger 08 si yennayer almi d wass amezwaru n useggas amynut, ass-a n sed.

Di tamdint n tubiret, di lexḍaria, Ṣur El Ɣuzlan, Ɛin Bessam, Ḥizer, Beclul, Imceddalen … imdanen akken ma llan, smekten-d insayen n lejdud nsen, xedmen imensi n yennayer skana-d lɛadat i sen-d-ǧǧan imezwura, ass mi llan imezdaɣ n tefriqt n ugafa (Tamazɣa) ttmeslayen akk tamaziɣt.

Tamazɣa (tamurt n yimaziɣen) i yeṭṭfan teɣzi, tahri n tefriqt n ugafa. Imsaragan i d-yemeslayen ɣef Tallast n tmurt n Yimaziɣen,fkan-tt-id ɣef teɣzi i d-yebden si tamda n Siwa di Maṣer almi d tegzirin tiknariyin deg ugaraw n atlan, deg ugemmud ɣer utaram. Ma seg ugafa s anẓul,Tamazɣa tbeddu seg lezzayer ɣer Udalen, di Burkina Fasu.

Tafada tamezwarut n tmaziɣt d-yexdem Amar Neggadi deg useggas n 1980 yebda leḥsab-is seg useggas n 950 send tallalit n Mass-nneɣ Aissa ass mi yekcem ugellid Cacnaq ɣer Maser yeṭṭef leḥkem dina d Aferɛun n tawacult tis  22.

Di burǧ UXris, d iselmaden n tsinawit Badawi Mohmed i d yesfuglen Yennayer s ccan s tamziɣt  taceqqut n umezgun d temzikent n yidelisen n tamziɣt.

                                                                                    Slimane Chabane

vous pourriez aussi aimer Plus d'articles de l'auteur

%d blogueurs aiment cette page :