Ilemẓiyen n RCD: « Amennuɣ ad ikemmel amecwar ɣef udem n tezdayrit tamunant akked tugdudt»

Get real time updates directly on you device, subscribe now.

 

Deg yiwen w ulɣu id suffeɣen ass ayi, Ilemẓiyen imesfaraten n ugraw i yedles d tugdudt RCD nnan ed d akken « tamurt-nneɣ tettkemmil tikli ɣer ubrid ur nessufuɣ. Imeḥbas n rray akked inaɣmassen mazal-iten zdaxel n leḥbus s tmental n leḥkem ur nesεi lqaε neɣ llan ula d win umazal ur d-yelli ara εad leḥkem fell-asen »

ɣef ayen tidiren tesuta tamaynut, ulɣu n Ilemẓiyen imesfaraten n ugraw i yedles d tugdudt yewted s leqsah di teswi3t d lihala nsen.

« Ugur-a anmetti akked asartan iḥuza deg ujerriḍ amenzu ilemẓiyen. I yellan ɣer uqarru n tegrawla n furar 2019, ilemẓiyen n yal tiseddarrin yemgaradden, d wid yedmen lqis n teswiεt la ttidirren deg lixṣaṣ d yimal ur nban sani. D nutni id iseflan imenza ḍaεen ula d imukan n lxedma ur llin xarsum deg teswiεt-a n unfafaḍ, ma yella d taseddart n wid yeɣran gzan d akken adabu d win ur nezri ara amek ara iselḥu azrar aɣarbuzan neɣ ussnan. Ulɣuyen ineggura n unaɣlaf n uselmed unnig d unadi ussnan d win yegren iman-is deg lḥesla ur yezri amek ara iqabbel aseggas ussnan id iteddun » id yenna w ulɣu.

ɣef taluft n Ḥaraga Ilemẓiyen n RCD nnan ed «Tazla d uɣiwwel ɣer uminnig s «Ḥaraga » , d win id yuɣallen s tuget ussan-a ineggura, anecta ur d-yusi ara kan akka. D agemmaḍ n rwaḥ usirren, id yellullen deg uselḥu yerwin n tlufa n tmurt seld n useggas d uzeggen n usuɣu d tdukli n iɣarmannen ɣef ubeddel n udabu.

Ass n 25 yulyu yezrin, 13 n tefluggin yewwin 418 d amdan d wid ileḥqqen ɣer unẓul n tmurt n Spenyul. Tuget n wid ixedmen ḥaraga d izzayriyen d ayen id d-wekkeḍ tɣamsa n Spenyul.

D ayen id ibannen daɣ, tasqamut n luṛup n tlisa d tin id yesbegnnen d akken 55% n iminiggen ur nesεi laεqud id yerssen deg tama n yillel n Spenyul (Alboran), deg useggas n 2020 , d iɣarmannen izzayriyen mgal 10% seld akk aya ».

Ilemẓiyen imesfaraten n RCD d wid yeṭfen dima deg yiseɣ d ubrid d-wwin d akken amennuɣ-nsen ad ikemmel amecwar ɣef udem n tezdayrit tamunant, n umhaz akked tugdudt.

Musa n At 3mara

Get real time updates directly on you device, subscribe now.

%d blogueurs aiment cette page :