Tubiret, amezgun « cbaḥa yettrun » ou « la beauté qui pleure »

D tacequft  n umezgun i d-urar yiwet n terbaɛt n yelmeyen deg uxxam n yedles Ali Zamoum n tubiret ielli ass n 31 Meɣres. D tiddukla n tẓuri d umezgun « asayas» n tqerbust i tt-id-iheggan, tura-tt-id Nassima Benyoucef.  Tacequft-a n umezgun tella-d i lmend n warrac. Tettmeslay-d  ɣef ugama d useḥbiber ɣef tamnaDɣa imeskaren-is ttwellihen iqrar imecṭaḥ i wakken ad ḥadren ɣef ayen akk i ɣ-d-yezzin.
Taoudiat Adel, dɣa d netta i-d-yefkan afus n lemɛawna deg usbeddi d uheggi n tcequft-a, yenna-d belli «taqsit-a n yiwet n teẓgi i yellan tecbe, tesɛa isekla, isafen, agur, d wayen yeddren am yefrax, awtul …»
 Ayaki akk yedder deg umnekni netta d wayen i s-d-yezzin deg ugama. Maca, seg akken ad d-yekcem ɣer-sen wemdan «Mimo», ad  yessexreb yal taɣawsa, yerna ad yerre amnekni-nni yellan gar ugama d wid yeddren deg-s. D yiwet n teqcict, m’i-d-tusa ɣer teẓgi-nni ara d-yerran icuddan d wayen yelhan gar teẓgi d wemdan segmi ad ttwellah win-a yesxerben agama d temnaṭ.
«Cbaḥa yettrun» d tacequft n umezgun i yettrebbin  igerdan d warrac ɣef uḥemmel n tamna d ugama, i wakken ad tili tudert n wemdan tgerrez, w’ad d-tili di liser d tezmert d telwit.
Slimane Chabane

vous pourriez aussi aimer Plus d'articles de l'auteur